kong yee sai mau

世貿呢個會終於開完.當初老董同唐唐兩件廢柴以為呢個會可以重振香港係沙士後既形象.唉,點可以咁笨架?呢件唔止係豬頭骨,直頭係米田共啦,唔係點解世界各國都唔肯搞呀?我都唔明佢地有冇做過research既.唐唐上屆仲去埋cancun,唔係唔知個單野搞成點呀嗎?我諗佢兩條粉腸個陣係咁諗既:
唐唐:搞wto呢個會幾好喎,全世界傳媒都報,搞掂左個香港宣言咪可以重振香港自由貿易既形象囉!
老董:係喎,wto我聽過,好出名架喎!
小強:你搞呢樣不如用一億整番好醫院d野!
老董:人做我唔做,殺出新血路嘛!世貿,東亞運動會,08馬術,迪士尼呢d野人地唔做咪我地做囉,香港一定得!
老董都落左台我廢事理佢,呢pat屎係咪都要啃.老董都算錯有錯著,俾機會香港人學野.我地香港人邊有示過威呀?遊花園就有!七一個次我已經好唔順,點解去左政府總部就係咁落番來就算?唔搞d野逼政府立即take action?如果個次唔係田少轉呔,你班民主派點呀?之後幾次又係,都冇意思既!得個人多,政府睬你都有味啦?
但係南韓班農民就唔同啦,有晒組織.衣著整齊(雖然我地都係),有鑼有鼓壯聲勢.仲有戰略,第一日撞警察搶盾牌,跟住又跪拜天地,最後就升到要衝防線.你班差佬都俾佢搞到失分寸.正所謂兵不厭詐嘛.人地南韓個個服兵役,我地香港人冇邊個識打仗,所以無論係香港示威者定係差人都差過人地.
其實d差佬都好克制,冇乜過激既反應啦,都係執行任務者,係低估左d示威者囉.初頭仲派d女警出來,我話派你李明逵出來仲好啦.但係南韓呢邊都好俾面你啦.今日睇"星期二檔案",有個學過軍事既人話班農民其實可以做多好多野,好似虜走差人,但係佢地都冇做,所以d人話今次韓農唔對,係好唔公平.佢地都有佢地既任務.學某個農民講,佢唔係來玩架,係要衝入議會話俾世界知佢地既苦況.毛主席都話革命唔係請客食飯嘛,點可以好似香港人咁行下,之後去茶餐廳度食下野咁架?一定要強硬d,唔怕死,先可以爭取到野架嘛,冇power邊個睬你呀?但係萬一解放軍入城咁點呢?都唔理得咁多.人唔作出犠牲就唔會得到任何收獲,呢個係等價交換.

一二四的四萬

賭王話冇五萬人遊行,後來又話十萬.但係無論係五萬,十萬定廿五萬,總之一個陳四萬就通殺.你賭王仲唔俾人曬你冷!還錢於民呀!呢個四萬講左句金句:見步行步,好多人話佢想做特首.咁你依家興復出嘛,好似許冠傑呀,徐小鳳呀,林憶蓮呀,林子祥呀,關淑怡呀都出來唱,點解四萬唔得先?